Kutaisi şəhərində yerli “Torpedo” komandası ilə Tbilsinin “Dinamo” komandası arasında keçirilən görüş yarımçıq qalıb
Gürcüstanın Kutaisi şəhərində yerli “Torpedo” komandası ilə Tbilsinin “Dinamo” komandası arasında keçirilən görüş yarımçıq qalıb. Buna kutaisili azarkeşlərin meydançaya axışaraq qonaqlara fiziki təzyiq göstərməsi səbəb olub.
Polis azarkeşlərə mane olmağa çalışsa da, yüzlərlə adamın qarşısını ala bilməyib. Hakim oyunu dayandırmaq məcburiyyətində qalıb. Tbilisili futbolçular şəhəri polisin müşayiəti ilə tərk edib. “Dinamo”nun bir neçə futbolçusunun xəsarət aldığı bildirilir.
İlkin məlumata görə, insidenti törədənlərdən 10 nəfəri tutulub.