Orqanizm üçün vacib olan əsas proseslərdən biri də dəri tənəffüsdü. Biz çimərkən, pambıq, çit paltar geyinərkən dərimiz rahat nəfəs ala bilir. Bu da daxili orqanların düzgün işləməsinə kömək edir. Çimərkən kisələnmək dərinin səthindəki ölmüş toxumaları yox edir. Həmçinin dəri masaj olur, bu da dərinin möhkəmliyini, elastikliyini qoruyur. Bəzən insanlar bundan istifadə edib 2-3 dəfə kisələnirlər. Amma bu ziyandı. Çünki çox sürtülməkdən zədələnə və dəriyə infeksiya düşə bilər. Həm də belə olduqda, dəri boşalır və sallanmalar yaranır. Buna görə də, həftədə 1 dəfə kisələnmək lazımdı.
Tez-tez duş qəbul edən adam üçün 15 dəqiqə suyun altında qalmaq kifayət edər. Gündə, günaşırı çimmək insanı kökəldir. Yaxşı olar ki, 3 gündən bir çimilsin.
Saçlar nə qədər gec yuyulsa, bir o qədər də gec çirklənər. Saçları bu vərdişə sahibləndirmək lazımdı.
Qaynar suda çimmək dərinin boşalmasına, tez qocalmasına səbəb olur. Dərinin sağlamlığı üçün kontras duş çox effektli təsir edir. Dünyanın məhşur xanımları dərilərinin gözəlliklərini bu cür qoruyub saxlayırlar.
Yaxşı olar ki, çimərkən satışdakı sabunların, gellərin əvəzinə özünüz ev şəraitində gel hazırlayasınız. Çünki dərisi quru olan adamlar bəzən duşdan sonra dərilərinə nəmləndirici kremlər çəkirlər. Buna görə də, dərinin məsamələri yumulur və dəri düzgün tənəffüs edə bilmir. Ancaq duş gelini özünüz hazırlasanız, içinə nəmləndirici yağlar qata bilərsiniz və süni nəmləndiricilərə ehtiyacınız olmaz.
Çimmək yeni doğulmuş körpələrin də tez böyüməsinə, rahat yuxu yatmasına kömək edir. Lakin hər dəfə sabundan istifadə etməyin. Sabundan nə qədər çox istifadə etsəniz, orqanizmdən D vitamini bir o qədər azalar. Bu da zamanla dəridə fərqli xəstəliklərin yaranmasına səbəb olar. Hətta xərçəngin də yaranmasına yol aça bilər.
Tahirə