Kənardan olan məzunlar

ŞAKİR YUSUBOV

Şakir Şıxı oğlu Yusubov 1959-cu il avqustun 14-də Bolnisi rayonunun Dəmirli kəndində anadan olub. 1966-1974-cü illərdə Dəmirli kənd 8-illik məktəbində, 1974-1976-cı illərdə Darvaz kənd orta məktəbində oxuyub, orta məktəbi qızıl medalla bitirib, 1976-cı ildə Azərbaycan Dövlət Universitetinin mexanika-riyaziyyat fakültəsinə daxill olub. 1981-ci ildə universiteti müvəffəqiyyətlə bitirib, təyinatla Azərbaycan EA Kibenetika İnstitutuna mühəndis vəzifəsinə göndərilib.

Ətrafl...

KƏRİM MƏMMƏDOV

Kərim Alı oğlu Məmmədov 1939-cu ildə Bolnisi rayonunun Aşağı Güləvər kəndində anadan olub. 1957-ci ildə Darvaz kənd orta məktəbini bitirib, 1958-ci ildə Azərbaycan Dövlət Rus dili və Ədəbiyyatı İnstitutuna daxil olub. 1963-cü ildə bu institutda təhsilini başa vurduqdan sonra təyinatla Gürcüstan Respublikası Maarif Nazirliyinin sərəncamına göndərilib.

Ətrafl...

TEYMUR İBRAHİMOV

Teymur Mustafa oğlu İbrahimov 1944-cü ildə Bolnisi rayonunun Gibircik (Sarımmətli) kəndində anadan olub.

1960-cı ildə Darvaz kənd orta məktəbini bitirmişdir. 1961-ci ildə Azərbaycan Kənd Təsərrüfatı İnstitutunun «Kənd təsərrüfatının mexanikləşdirilməsi» fakültəsinə daxil olub. 1963-cü ildə hərbi xidmətə çağırılıb və 1966-cı ildə tərxis olunub. 1969-cu ildə institutu bitirib.

Ətrafl...

ŞABAN QARALOV

Şaban İbrahim oğlu Qaralov 1931-ci il may ayının 5-də Başkeçid rayonunun Ormeşən kəndində anadan olub. İlk təhsilini kənd 8 illik məktəbində alıb, 1946-cı ildə Bolnisi rayonunun Darvaz kənd orta məktəbini bitirib, həmin ildən Ormeşən 8 illik məktəbində ibtidai sinif müəllimi kimi pedaqoji fəaliyyətə başlayıb.

Ətrafl...

ƏNVƏR ŞABANOV

Ənvər Hüseyn oğlu Şabanov 1940-cı ildə Bolnisi rayonunun Dəmirli kəndində anadan olub.

1947-ci ildə Dəmirli ibtidai məktəbinin birinci sinfinə gedib, Aşağı Cüləvər kənd səkkizillik məktəbini, 1958-ci ildə isə Darvaz kənd orta məktəbini bitirib. Dörd ilə yaxın kənd kolxozunda işləyib, 1962-ci ildə isə Azərbaycan Dövlət Tibb İnstitutunun (indiki ADTU-nun) sanitar-gigiyena fakültəsinə daxil olub, 1968-ci ildə həmin fakültəni bitirib.

Ətrafl...

HƏMİD ŞABANOV

Həmid Hüseyn oğlu Şabanov 1938-ci il martın 14-də Bolnisi rayonunun Dəmirli kəndində anadan olub. 1946-cı ildə Dəmirli kəndindəki ibtiadi məktəbin birinci sinfinə gedib, 1957-ci ildə isə Darvaz orta məktəbini bitirib. 1957-ci ildə H.Zərdabi adına Kirovabad (Gəncə) Pedaqoji İnstitutunun fizika-riyaziyyat fakültəsinə daxil olub, 1962-ci ildə ali təhsilini başa vurub.

Ətrafl...

İBAD ƏHMƏDOV

İbad Əhməd oğlu Əhmədov 1944-cü il iyunun 20-də Bolnisi rayonunun Dəmirli kəndində kolxozçu ailəsində anadan olmuşdur. Dəmirli kəndindəki ibtidai məktəbi 1955-ci ildə bitirmiş, təhsilini Aşağı Güləver kəndindəki 8 illik məktəbdə davam etdirmişdir. 1962-ci ildə Darvaz orta məktəbini bitirmişdir.

Ətrafl...

RASİM ŞAHBAZOV

Rasim Bilal oğlu Şahbazov 1964-cü il fevarlın 15-də Bolnisi rayonunun Dəmirli kəndində müəllim ailəsində anadan olmuşdur. O, 1981-ci ildə Darvaz orta məktəbini bitirmiş bir il sürücülük məktəbində oxuduqdan sonra 1982-ci ilin payızında ordu sıralarına çağırılmış, Pribaltika hərbi dairəsində hərbi xidmətdə olmuşdur.

Ətrafl...

TOFİQ ŞAHBAZOV

Tofiq Bilal oğlu Şahbazov 1950-ci il iyun ayının 17-də Bolnisi rayonunun Dəmirli kəndində müəllim ailəsində anadan olmuşdur. O, 1961-ci ildə Dəmirli kəndindəki ibtidai məktəbi, 1967-ci ildə isə Darvaz orta məktəbini bitirmişdir. 1968-ci ildə sürücülük məktəbində oxuduqdan sonra Rustavi şəhərindəki 6 saylı avtomobil kolonasında sürücü kimi əmək fəaliyyətinə başlamışdır.