ABŞ-ın Çikaqo Universitetindən olan alimlər ispanağın faydalarını araşdırmaq üçün 81 yaşındakı 950 nəfərin zehninə və qidalanma vərdişlərinə baxıblar.
İspanaq kimi göyərtiləri gündə 1-2 boşqab istehlak edənlərin beyninin, bunları daha az yeyənlər ya da heç yemiyənlər ilə müqayisədə orta hesabla 11 il daha gənc olduğu müəyyən olunub.
Elm adamları bu müsbət təsiri yaşıl yarpaqlı tərəvəzlərin K vitamini, beta-karoten, fol turşusu kimi antioksidantlar baxımından zəngin olmasının yaratdığını bildirirlər. Alimlər unutqanlıq (Alzeymer) xəstəliyindən qorunmaq üçün yaşıl yarpaqlı tərəvəzlərin istehlak edilməsini tövsiyə edirlər.
Bundan əvvəl İsveçdə aparılan bir araşdırma göyərtilərin əzələləri gücləndirdiyini ortaya qoymuşdu.
Araşdırmanın nəticələri, ABŞ-da keçirilən Eksperimental Biologiya Konfransında təqdim olunub.
İSPANAĞIN VİTAMİNİ SON 30 İLDƏ 70 FAİZ AZALIB
Həkimlər, 30 il əvvəlki ispanaqla bugünkü ispanaqları müqayisədə tərkibindəki vitamin və mineralların 70 faiz azaldığına diqqət çəkirlər. Hava, su və digər ətraf mühitin çirkləndirilməsinə səbəb olan amillər nəticəsində torpağın məhsuldarlığının azalması, həm bu məqsədlə, həm də məhsulların uzun müddət saxlanması üçün istifadə edilən kimyəvi maddələr, onların qatqı maddələri ilə saxlanılması və daşınması vitamin və meneralların azalmasına səbəb olur. Bu səbəbdən də təbii üsullarla (orqanik) yetişdirilən göyərtilərin istehlak edilməsi tövsiyə olunur.