Çocuqkən vurğununam,
Eşqim, həvəsim Darvaz.
Dincəlləm, yorğununam,
Altun qəfəsim Darvaz.
Sən buludsan, mən yerəm,
Səndəndir dağım, dərəm.
Sənsiz dözə bilmərəm,
Canım, nəfəsim Darvaz.
Yenə gün axşam olur,
Qəlbim yanan şam olur.
Qonağım ilham olur,
Yox qeyri kəsim, Darvaz.
Ahım xəyal köçümdə,
Bir boyda, bir biçimdə.
Yuva qurub içimdə,
Qəm əsim-əsim, Darvaz.
Sığal çək mən yetimə,
Acıma, zillətimə.
Həsrətəm, həsrətimə
Çatmayır səsim, Darvaz.
Təbrizəm, nə kar edim,
Quru çörək-su yedim.
Haram var, hara gedim,
Hara tələsim, Darvaz.
21.02.2011