Sizdə aran yeri, bizdə dağ yeri,
Meşəlik, çəmənlik, bağça-bağ yeri.
Dünyanın ən gözəl, üzüağ yeri,
Mənim Darvazımdı, mənim Darvazım.
Baharda təbiət tutular zərə,
Hər yanı misilsiz, gözəl mənzərə.
Sevməz yaltaqları, həm namərdləri,
Kəsilər hər zaman qənim Darvazım.
Sozalıb, dağların mələyi xəstə,
Olarmı arzusu, diləyi xəstə.
Qoru, şairinin ürəyi xəstə,
Dolanım, başına dönüm, Darvazım.
Bülbülsüz çiçək də, gül də inləyər,
Sonasız yaymanmaz, göl də inləyər.
Dözməz qəm yükünə, tel də inləyər,
Düşər saçlarıma dənim, Darvazım.
Təbrizsiz qoynuna qısılar başı,
Misilsiz gövhərdi torpağı, daşı.
Ürəyim yananda tökər göz yaşı,
Dumanım, Darvazım, çənim, Darvazım.
11 mart, 2009
