O yerlərə gedən yollar,
Məni Darvaza çatdırın.
Məni qərib edən yollar,
Məni Darvaza çatdırın.
Aralığı həsrət alıb,
Acı xəyallara dalıb,
Əlim uzanıqlı qalıb,
Məni Darvaza çatdırın.
Darvazda qalıb nələrim?!.
Onsuz yox barım,bəhərim,
Onsuz açılmır səhərim,
Məni Darvaza çatdırın.
Ömür qüruba tələsir,
Ürəyim titrəyir,əsir,
Qürbətdə etməyin əsir
Məni Darvaza çatdırın.
Qəribliyə düşdü yolum,
Yadlar oldu sağım-solum,
Qoymayın qürbətdə ölüm,
Məni Darvaza çatdırın.
Mənzil uzaq,həsrət ağır,
Yollara od-alov yağır,
RƏŞİD vətən arzulayır,
Məni Darvaza çatdırın.
Rusiya, Tümen. 2010