Borçalının dağdan ağır elisən,
Qopuzumun haray çəkən telisən.
Millətimin xoş avazlı dilisən,
Qoy susmasın şirin dilin, a Darvaz!
“Soyuqbulaq”, “Quyubulaq” göz yaşın,
“Ağbaba”dı, “Almalı”dı sirdaşın.
Tut ağacı neçə ilin yaddaşı,
Əyilməsin sənin belin, a Darvaz!
“Xalxallar”la “Uzuntala” oylağım,
“Qaraarxac”, “Ortabulaq” yaylağım.
Nə müddətdi həsrətiyəm
Çatağın, İnləyirəm zülüm-zülüm, a Darvaz!
Fədli kimi tamadan var Darvazlı,
Marat ötür bülbül kimi avazlı.
Tərifınə yazdıqlarım çox azdı,
Qoy yaşasın Əhməd Dəlin, a Darvaz!
