(Tanınmış həkim,hörmətli el ağsaqqalı Şamil Əliyevə)
Bir ocaq tanıyıram,
İstisi bol,közü bol.
Bir insan tanıyıram,
Söhbəti xoş,sözü bal.
Yaşayır qartal kimi,
Başkeçid dağlarında.
Adı dillərə düşüb,
Borçalı torpağında.
Darvazdan pərvazlanıb,
Könül verdi dağlara.
Xəstəyə şəfa verdi,
Dayaq oldu sağlara.
Zirvələrə can atdı,
Dağa döndü ürəyi.
Dəyərli insan kimi,
Oldu elin gərəyi.
Üç oğul da böyüdü,
Bu müqəddəs ocaqda.
Onlar da qalmadılar,
El-obadan qıraqda.
Onlar pirə çevirdi,
Bu müqəddəs ocağı.
Məhəbbətlə yaşatdı,
Hörməti,qanacağı.
Bu evin xanımını,
Hamı hörmətlə anır.
İndi onun da ruhu,
Məşəl tək alovlanır.
Şamil həkim həmişə,
Elin möhürü olub.
Çünki,onun xəmiri,
Məhəbbətdən yoğrulub.
Bakı,07.06.2020
