Məni özü üçün saxlayan könül,
Özgə gözlərində ağladı məni.
Qeyrət zənciriylə o mənlik, qürur,
Sıxdı möhkəm-möhkəm, bağladı məni.
Bu günə boylanıb sabahlar üçün,
Hönkürdüm içimdə, hönkürdüm gizli.
Dağlardan o üzə baş alan köçün,
Əsiri olmuşam cığırlı-izli.
Dilini bilmirəm, şəmimdir-şəmim,
Pərvanə olmuşam sazın başında.
Dağlara çəkilir ələmim, qəmim,
Mən cana gəlirəm yazın başında.
İlahi, bizlərdən kəm etmə nuru,
Sahibi məhv olmuş, yetim türklərik.
Qoru bu milləti, dövləti qoru,
Nadanlar əlində təklənmiş zərik.
12.12.2012