Tanrı ol deyərsə, yoxdan var olar,
Düş Haqqın dalınca, yüyür, yaranar.
Kəldən kəl törəyər, sardan sar olar,
Cütləşsə, cüyürdən cüyür yaranar.
Dünya fanidirsə, aldanma zərə,
Nəfsin ucbatından düşərsən şərə.
Göndər xəyalını gözəlliklərə,
Sağlam düşüncədən xeyir yaranar.
Təbriz, nə işin var sənin xam ilə,
Yoldaşsan, yoldaşlıq et ilham ilə.
Ürək ələmlərdən olsa hamilə,
Ağrıyla, acıyla şeir yaranar.
25.02.2011