İlhamım itkin düşüb ürəyimdən bu gecə,
Şəm-çırağım asılmır dirəyimdən bu gecə.
Yüküm beşqat asıldı kürəyimdən bu gecə,
Bu yükü daşımağa güc ver, təpər ver, Allah.
Şərqə xaç yürüşləri baş alıb gedir, ey Türk,
Türk elləri hər yandan boşalıb gedir, ey Türk.
Soğuldur gözlərimi, yaş alıb gedir, ey Türk,
Bizləri qorumağa sədd ver, çəpər ver, Allah.
Terroru yaratdılar çapıb-talamaq üçün,
Müsəlmanlar yurdunu oda qalamaq üçün,
Petrollar yatağını sırfyağmalamaq üçün,
İngilisə, firəngə qəm ver, qəhər ver, Allah.
Min bir bəhanələrlə İraq qana bulandı,
Liviya bombalanır, Əfqanıstan talandı,
Amerika deyilən necə murdar ilandı,
Murdarı tapdamağa köhlən, kəhər ver, Allah.
Biçinçilər kimdi kim bu amansız biçində,
Köçürən kim, köçən kim qaribanlar köçündə.
Batır bu şeytanları okeanlar içində,
Kafirlərin suyuna zəy tök, zəhər tök, Allah.
Təbriz, düşündür xalqı şeirinlə dərindən,
Tək cihadla qurtulluq şeytanların şərindən.
Çəkil qara buludlar, başımız üzərindən,
Məhəmməd ümmətinə nurlu səhər ver, Allah.
