A Darvaz, yenə də qonaq gəlmişəm,
Məni qarşılayır neçə Vilayət,
Deməyin-heyif ki, ötən illəri,
Puç edib, döndərib heçə Vilayət.
Çağırdım dostları yenə gəzməyə,
Yurdum başdan başa cənnətdir-deyə...
Baş vura düzlərə, enə dərəyə,
Uca zirvələrdən keçə Vilayət.
Səndə olduğum gün, ən bəxtiyar gün,
Hər bulaq başında min toy, min düyün,
Həsrət yanğısını söndürmək üçün,
O "Soyuq bulaq"dan içə Vilayət.
İnzə zəriflik var sərt daşında da,
Qalıb körpəliyim yaddaşında da...
Allah elə etsin yüz yaşında da,
O "Qoşa armud"u seçə Vilayət.