O ki, qəlbimizdən süzülüb gəlir,
Yanaqda sellənən yaşı gizləmə.
Qaş ilə bərabər gözlər gözəldir,
Nur vermir- deyərək, qaşı gizləmə.
İçində düşüncə, ağıl yoxdusa,
Bəzəkli örtüklə başı gizləmə.
Dostum, qəzəblənib məni vurmağa,
Əlində tutduğun daşı gizləmə.
Şikəst insanların qayğısını çək,
Bir ancaq vicdanı çaşı gizləmə.
Yay keçib, ömrünün payızı gəlsə,
Lap belə çatıbsa,qışı gizləmə.
İllər müdrikliyə gedən pillədir,
Sorulsa, utanıb yaşı gizləmə.