Aqronom Orucun kök bir keçisi varmış. Qorxur ki, bir gün oğurlayarlar. Odur ki, keçini kəsmək qərarına gəlir. Keçini
Qarı təəccüblənir:
– Ay bala, bir şey anlamadım, axı keçinin davada nə işi var? Oruc deyir:
– Hitlerin qoşunu Qafqaz dağlarına yaxınlaşıb. Əsgərlərimizin gedə bilmədiyi sıldırım qayalardan keçmək üçün keçilərin belinə mina bağlayıb buraxacaqlar almanlar tərəfə...
Oruc həmin sözləri bir başqasına da deyib möhkəm-möhkəm tapşırır ki, heç kim bilməsin.
Ancaq ox yaydan çıxmışdı. Qısa müddətdə kəndə yayılır ki, keçiləri əsgər aparacaqlar. Hamı keçisini kəsir.
Ağsaqqallardan Maqa Əhmədlə Kötük Əhməd Orucun yanına gəlib soruşurlar ki, bu nə işdir, deyirlər keçiləri əsgər aparacaqlar. Aqronom Oruc deyir:
– Boş sözdür, haradansa camaatın ağzına düşüb. Hökumətin əsgərinə, texnikasına nə gəlib ki, keçiləri aparsınlar?!
İki gündən sonra rayondan nümayəndə gəlib Orucu çağırır ki, sən adamları aldadıb keçiləri kəsdirmisən. Oruc deyir, yalandır, inanmırsınız ağsaqqallardan soruşun. Maqa Əhmədlə
Kötük Əhməd gəlib şahidlik edir ki, Aqronom Oruc bizə düzünü başa saldı, dedi ki, boş sözlərə inanmayın. Bununla da
Oruc kişi canını qurtarır.
