ALLAH RƏHMƏT ELƏSİN....
Darvaz kəndinə növbəti ağır itki üz verib - ləyaqətli eloğlumuz, dəyərli ziyalımız FƏRHAD MƏHƏMMƏD OĞLU ƏSGƏROV 2021-ci il aprelin 17-də Bakıda vəfat edib, ayın 18-də son mənzilə yola salınıb. Həyatının çox hissəsini pedaqoji fəaliyyətlə məşğul olan Fərhad Əsgərov təkcə Darvaz kəndində deyil, bütövlükdə bu bölgədə təcrübəli və savadlı müəllim, daim el təəssübü çəkən ləyaqətli kişi, sadə və səmimi insan, sadiq dost kimi tanınırdı. Fərhad müəllimin əziz xatirəsi doğmaları və əzizləri ilə yanaşı, bütün darvazlıların, Darvazdan və qonşu kəndlərdən olan vaxtilə dərs dediyi yüzlərlə yetirməsinin də qəlbində daim yaşayacaqdır. Allah rəhmət eləsin, bir nəslin, bir kəndin ağsaqqalı, əsl pedaqoq, təcrübəli müəllim, təəssübkeş el adamı, sözündən və əməlindən bircə nəfərin də olsa heç vaxt incimədiyi KİŞİ! Yerin cənnət olsun!
Mərhumun bütün yaxınlarına, doğmalarına, əzizlərinə kədərləndiyimizi bildirir və dərin hüznlə başsağlığı veririk.
Bəlli səbəblərdən böyük yas məclisi qurulmadı. Bununla bağlı əlavə məlumat veriləcək.
Mərhumun ailəsinə başsağlığı vermək istəyənlər oğlanları ilə əlaqə saxlaya bilərlər.
051 225 18 21 İQBAL və 0773742000 RAMİL
