Ötən əsrin 90-cı illərində bir müddət Bakıda da fəaliyyət göstərən F.Gülməmmədov əsasən Donetsk şəhərində yaşayıb fəaliyyət göstərib, uzun müddət buradakı Tibb Universitetində kafedra müdiri vəzifəsində çalışıb. Ukraynadakı Azərbaycan diasporunun fəallarından biri kimi bu ölkədə yaşayan soydaşlarımıza hər zaman arxa-dayaq olub.
Fərman İbrahim oğlunun dünyasını dəyişməsi ilə Darvazdakı Gülməmməd öyü nəsli özünün bir ağsaqqalını və qürur yerini, Darvaz ləyaqətli eloğlsunu, Borçalı isə Vətəndən uzaqlarda layiqli təmsilçisini itirdi. Fərman İbrahim oğlu kimi kişilərin itkisi el-oba üçün, millət və xalq üçün, Vətən üçün yerinin doldurulması çox çətin olan bir itkidir. Zəlimxan Yaqub demiş:
El yadda saxlamaz evdən gedəni,
İnsan əzizlənər eldən gedəndə.
Bu günə qədər özü və sözü bizim üçün əziz olan, xeyirxah əməlləri ilə minlərlə insanın könlündə özünə ölməzlik heykəli ucaldan əziz insan, sən bundan sonra da bizimləsən, bizimsən! Sənin əziz xatirən səni sevənlərin qəlbində daim yaşayacaq! Allah rəhmət rəhmət eləsin! Ruhun şad olsun!
Musa Nəbioğlu