Valeh Əlipaşa oğlu Hacıyev 1951-ci ildə Bolnisi rayonunun Darvaz kəndində anadan olub. 1968-ci ildə orta məktəbi, 1973-cü ildə Azərbaycan Dövlət Pedaqoji Dillər İnstitutunu (indiki ADDU) bitirib.V.Hacıyev 1985-ci ildə namizədlik, 1993-cü ildə doktorluq dissertasiyasını müdafiə edib. O, 2000-ci ildən Gürcüstan Ədəbiyyatşünaslıq Akademiyasının üzvü idi.
V.Hacıyev dəfələrlə beynəlxalq və respublika səviyyəli elmi konfranslarda iştirak edib, ədəbi əlaqələr və folklorşünaslığa dair 20-dək kitabı nəşr olunub.
O, həmçinin Azərbaycan-Gürcüstan dövlətlərarası diaspora şurasının, Gürcüstan Prezidenti yanında Milli Şuranın və Fəxri vətəndaşlıq verən şuranın üzvü kimi ictimai fəaliyyətlə də məşğul olub, Gürcüstan Yazıçılar İttifaqı Azərbaycan bölməsinin məsul katibi olub.
V.Hacıyev 2010-cu ilin yanvar ayında vəfat edib.
