Mirsayyaf Məmmədov 1972-ci ildə institutu bitirib təyinatla Zaqatala rayonunun Əliabad kəndinə göndərilmiş, burada həkim kimi ilk əmək fəaliyyətinə başlamışdır.
O, 1978-ci ildə doğma Borçalıya qayıtmış, Bolnisi rayonundakı Kveşi kənd xəstəxanasında həkimlik fəaliyyətini davam etdirmişdir. Burada bir il işlədikdən sonra Rusiyanın Tümen vilayətinə gedərək orada çalışmış, 1981-ci ildə isə yenidən Borçalıya qayıtmış və Dmanisi rayon xəstəxanasında işə düzəlmişdir.
1989-cu ilədək həmin xəstəxanada çalışan M.Məmmədov sonra yenidən Azərbaycana – Zaqatala rayonuna qayıtmış, Zaqatala rayon uşaq poliklinikasının baş həkimi vəzifəsində həkimlik fəaliyyətini davam etdirmişdir. Hazırda da Zaqatalada çalışır.
