Vaqif Müsəlli oğlu Bayramov 1959-cu il dekabr ayının 21-də Bolnisi rayonundakı Darvaz kəndində anadan olmuşdur.
1977-ci ildə Azərbaycan Politexnik İnstitutunun metallurgiya fakültəsinə daxil olan V.Bayramov 1982-ci ildə institutu bitirmiş və elə о vaxtdan da keçmiş Sovet ordusunda xidmətə başlamışdır. 1992-ci ilədək Sovet Ordusunda qulluq edən V.Bayramov 1989-cu ildə Ulyanovsk şəhərindəki Ali Hərbi Mexaniki Məktəbin Yanacaq və Sürtgü materialları üzrə ixtisasartırma fakültəsini bitirmişdir.
O, 1992-ci ildən Azərbaycan Silahlı Qüvvəllərində xidmətə başlayaraq Müdafiə Nazirliyində Yanacaq və Sürtgü Materialları şöbəsində əvvəlcə rəis müavini, sonra isə rəis vəzifəsində çalışmış, 1995-ci ildə isə Hava Hücumundan Müdafiə və Hava Hücumu Qoşunları hərbi hissələrində Komandirin arxa cəbhə üzrə müavini, arxa cəbhə rəisi vəzifəsinə təyin olunmuşdur. 1999-cu ildən isə Hava Hücumundan Müdafiə və Hərbi Hava Qoşunlarının maddi-texniki təminat aparatının təşkilat-planlaşdırma bölməsinin rəisi – Maddi-texniki təminat aparatı rəisinin müavini vəzifəsində xidmətini davam etdirir. Polkovnik-leytenantdır.
O, dəfələrlə döyüş bölgələrində olmuşdur.
