Nazir Nəsib oğlu Əlləzov 1971-ci il fevral ayının 27-də anadan olmuşdur.1992-ci ilin mart ayından təhsilini Bakı Ali Hərbi Məktəbində davam etdirmişdir. Həmin ilin iyun ayında təhsilini bitirərək həmin məktəbin mühəndis-istehkam bölüyünə tağım komandiri təyin olunmuşdur. N.Əlləzov 1992-ci ilin noyabr ayında Bakı Ali Hərbi Məktəbinin kursantlar tağımı komandiri vəzifəsinə, 1994-cü ilin iyununda isə “N” saylı hərbi hissəsinin mühəndis xidməti rəisi təyin edilmişdir.
O, 2001-ci ilin iyul ayında müdafiə nazirinin əmri ilə Təlim və Tədris Mərkəzinin Mühəndis İstehkam qrupunda müəllim, həmin ilin dekabr ayının sonunda isə eyni zamanda həmin mərkəzdə Mühəndis Xidməti rəisi vəzifəsinə təyin edilmişdir.
1992-ci ildən Azərbaycan Ordusunda xidmət edən mayor Nazir Əlləzov hazırda təqaüddədir.
