Azərbaycan da yenidən öz müstəqilliyinə qovuşmuşdu.
Bu müstəqillik isə yüzlərlə azadlıq mücahidlərinin canı və qanı bahasına əldə olunmuşdu. Orta məktəbi bitirəndən sonra ali təhsil almaq üçün yaşıdları kimi o da Bakı şəhərinə üz tutub. Məktəbdə yaxşı oxuduğundan, istədiyi ali məktəbə daxil ola bilərdi. Amma Arif daha çətin və şərəfli bir yol seçib. Hərbçi olmaq qərarına gəlib. Hərbçi olmaq, bəlkə də, əvvəllər heç onun arzusu olmamışdı, amma Azərbaycanın başının üstündə qara buludlar dolaşdığı, xalqımızın 1990-cı ilin 20 yanvar faciəsini yaşadığı və Qarabağ uğrunda şiddətli döyüşlər getdiyi bir vaxtda başqa yol seçə də bilməzdi.
Azərbaycanda ordu quruculuğunun getdiyi bir vaxtda - 1992-ci ildə o, Bakı Ali Hərbi Birləşmiş komandirlər məktəbinə daxil olub, 1996-cı ildə həmin məktəbi qoşunların hava hücumundan müdafiə ixtisası üzrə bitirib.
20 ildən artıq Azərbaycan Silahlı Qüvvələrinin müxtəlif hərbi hissələrində, Təlim və Tədris Mərkəzinin hava hücumundan müdafiə kafedrasında, Heydər Əliyev adına Azərbaycan Ali Hərbi Məktəbinin Hava Hücumundan Müdafiə Fakültəsində müvafiq vəzifələrdə xidmətdə olub. Həmişə də zabit şərəfini qoruyub, onu hər şeydən üstün tutub.
Arif Həsənov 2018-ci ildə polkovnik-leytenant hərbi rütbəsi ilə Silahlı Qüvvələrdən ehtiyata buraxılıb.
Elşad ÇOBANLI