Mais Süleyman oğlu Salmanov 1954-cü il may ayının 21-də Bolnisi rayonunun Darvaz kəndində anadan olmuşdur. 1961-ci ildə Darvaz kənd orta məktəbinin 1-ci sinfinə getmiş, 1971-ci ildə həmin məktəbi bitirmişdir.1971-1973-cü illərdə Darvaz kəndindəki Telman adına kolxozda işləmiş, 1973-1975-ci illərdə hərbi xidmətdə olmuşdur. 1975-ci ildə ordudan tərxis olunmuş və Tbilisi şəhərində sıravi polis kimi əmək fəaliyyətinə başlamışdır. 1978-ci ildə Ufa şəhərinə getmiş və orada Daxili İşlər Nazirliyinin milis məktəbinə daxil olmuş, 1980-ci ildə həmin məktəbdə hüquqşünas kimi təhsilini başa vurmuşdur.
1980-ci ilin oktyabrında Tbilisi şəhərinə qayıtmış və İslak Əmək müəssisəsində dəstə rəisi vəzifəsində işə başlamışdır.
1985-ci ildən isə müəssisə rəisinin köməkçisi işləmişdir. 1993-cü ildə Bakı şəhərinə köçmüşdür. Həmin ildən Azərbaycan Respublikası Ədliyyə Nazirliyinin 10 saylı cəzaçəkmə müəssisəsinin rəis köməkçisi vəzifəsində çalışıb.
