Nizami Ənvər oğlu Aşurov 1945-ci ildə Bolnisi rayonunun Darvaz kəndində ziyalı ailəsində anadan olmuşdur, burada orta təhsil almışdır. O, 1961-ci ildə Bakı Rabitə Texnikumuna daxil olmuş, 1963-cü ildə oranı bitirmişdir. Texnikumu bitirdikdən sonra Akstafada öz ixtisası üzrə işə başlamış, 8 ay burada çalışdıqdan sonra hərbi xidmətə çağırılmışdır. Üç il yarım orduda serjant rütbəsində xidmət etdikdən sonra doğma Borçalıya qayıtmış və Darvaz kənd rabitə şöbəsinin rəisi vəzifəsində əmək fəaliyyətini davam etdirmişdir.Nizami Aşurov 1971-ci ildə Rusiyanın Vladimir şəhərində SSRİ Daxili İşlər Nazirliyinin hüquqşünaslar hazırlayan məktəbinə daxil olmuş, oranı bitirdikdən sonra bir müddət Rusiyada daxili işlər orqanlarında çalışmış, sonra Gürcüstana qayıtmış və tbilisi şəhərində fəaliyyət göstərmişdir. Daha sonra Bolnisi və Dmanisi rayon daxili işlər şöbəsində müxtəlif vəzifələrdə çalışan Nizami Aşurovun bir sıra ağır cinayətlərin açılmasında böyük xidmətləri olmuş, Gürcüstan və SSRİ Daxili İşlər Nazirliyinin mükafatlarına layiq görülmüş, “Daxili İşlər orqanlarında əla xidmətə görə” döş nişanı ilə təltif edilmişdir.
O, mayor rütbəsində təqaüdə çıxmışdır.
