N.Bayramov 1960-cı ildən DİO-da xidmətə başlamışdır. 1960-1974-cü illərdə Gürcüstan SSR-in Zalqa rayon DİŞ-də Sahə inspektoru, 1974-1985-ci illərdə isə Marneuli rayon DİŞ-də Müstəntiq vəzifələrində çalışmışdır. O, 1985-ci ildə Müstəntiq vəzifəsindən milis kapitanı rütbəsində istefaya getmişdir.
N.Bayramov cinayətlərin qarşısının alınması və açılmasında, ictimai təhlükəsizliyin təmin edilməsində və asayişin qorunmasında qarşıya qoyulmuş tapşırıqları yerinə yetirərkən fərqləndiyinə, xidməti vəzifələrinin icrasında yüksək peşəkarlıq göstərdiyinə, xüsusi xidmətlərinə və DİO-da uzunmüddətli səmərəli fəaliyyətinə görə müxtəlif mükafatlara layiq görülmüşdür.
N.Bayramov daxili işlər orqanlarında xidmət etdiyi müddət ərzində “DİO-da qüsursuz xidmətlərinə görə (10, 15, 20 və 25 il)” medalları, həmçinin SSRİ və Gürcüstan SSR DİN-in “Fəxri fərman”ları ilə təltif olunmuşdur.
Niyazalı Bayramov “SSRİ DİN-in Əməkdar əməkdaşı” fəxri adına layiq görülmüşdür.
N.Bayramov 2010-cu il iyulun 2-də 76 yaşında vəfat etmişdir. Nümunəvi bir ailə başçısı olmuş N.Bayramovun dörd övladı var.
Qabil Firdovsi oğlu Bayramov
