Oqtay Bədəl oğlu Nəbizadə 1947-ci il iyulun 7-də Bolnisi rayonunun Darvaz kəndində anadan olub. 1963-cü ildə Darvaz orta məktəbini bitirib. 1964-cü ildə Azərbaycan Dövlət Universitetinin (indiki BDU) iqtisad fakültəsinə daxil olub, 1969-cu ildə isə Xalq Təsərrüfatı İnstitutunu (indiki İqtisad Universiteti) iqtisadi kibernetika üzrə bitirib.İnstitutu bitirdikdən sonra Elmi-Tədqiqat Kənd Təsərrüfatı İnstitutunda əmək fəaliyyətinə başlayıb, 1970-ci ilin sonundan isə Azərbaycan Dövlət Əmək Əmanət Kassaları idarəsində müfəttiş vəzifəsində çalışıb.
1974-cü ilin əvvəlində doğma Borçalıya qayıdan O.Nəbizadə həmin vaxtdan 1975-ci ilin may ayınadək Bolnisi rayon istehlak cəmiyyətində müfəttiş kimi fəaliyyət göstərib, 1975-ci ilin may ayından 1990-cı ilin may ayınadək Gürcüstan Daxili İşlər nazirliyində SƏDM idarəsində baş əməliyyatçı vəzifəsində çalışıb, rütbəsi mayordur. 1990-cı ilin mayından 1993-cü ilədək Azərbaycan Aqrar Sənaye Bankında baş müfəttiş vəzifəsində çalışan O.Nəbizadə 1993-2001-ci illərdə həmin Bankda kredit şöbəsinin rəisi olub.
2001-ci ildən doğma kəndi Darvazda yaşayıb fəaliyyət göstərib. Darvazda arıçılıqla məşğul olub.
2019-cu il martın 4-də Darvazda dünyasını dəyişib.
