Şirxan Əfəndiyev

04.05.2014 18:12
şrift ölçüsü Şriftin ölçüsünü azaltmaq Şriftin ölçüsünü artırmaq

СНПЧ Москва
CMS Joomla

Əfəndiyev Şirxan Hüsaməddin oğlu 22.02.1984-cü il tarixdə Gürcüstan Respublikasının Bolnisi rayonunun Darvaz kəndində anadan olmuşdur. 1990-cı ildə Darvaz kənd orta məktəbinin 1-ci sinfinə daxil olmuş, 1993-cü ilədək həmin məktəbdə oxumuşdur. 1993-cü ildə Bakı şəhərinə köçmüş, Nərimanov rayonu 66 saylı orta məktəbin 5-ci sinfində tədrisini davam etdirmiş və 2000-ci ildə qeyd olunan məktəbin 11-ci sinfini bitirərək, Bakı Dövlət Universitetinin Hüquq fakültəsinə daxil olmuşdur. 2005-ci ildə təhsilini başa vurub Hüquqşünaslıq ixtisasına sahib olmuşdur.

Əmək fəaliyyətinə Bakı şəhəri Sabunçu Rayon Məhkəməsində başlamaqla, 2000-ci ildən 2001-ci ilədək kargüzar, 2001-ci ildən 2005-ci ilədək məhkəmə iclas katibi, 2005-ci ildən 2010-cu ilədək məsləhətçi vəzifələrində çalışmışdır. 2010-cu ildə Prezident yanında Dövlət Qulluğu Məsələləri Komissiyasının keçirdiyi imtahandan müvəffəqiyyətlə keçərək, Bakı şəhəri Nərimanov Rayon Məhkəməsinə hakim köməkçisi vəzifəsinə təyin olunub 2012-ci ilədək bu vəzifədə işləmişdir. 2012-ci ildə Tələbə Qəbulu üzrə Dövlət Komissiyası və Azərbaycan Respublikası Vəkillər Kollegiyası tərəfindən keçirilmiş imtahandan uğur qazanmış və Vəkillər Kollegiyasının üzvlüyünə qəbul olunmuşdur. Dövlət qulluğunda olması ilə əlaqədar vəkillik fəaliyyətini dondurmaqla, 2012-ci ildən 2013-cü ilədək Bakı şəhəri Xətai Rayon Məhkəməsində hakim köməkçisi vəzifəsində çalışmışdır. 2013-cü ilin fevral ayından vəkillik fəaliyyətini bərpa edib, hal-hazıradək Azərbaycan Respublikası Vəkillər Kollegiyası 5 saylı Hüquq Məsləhətxanasının vəkili kimi fəaliyyətini davam etdirir. Ailəlidir, iki oğlu var.

Oxu 2927 dəfə

Nəşr et Hüquq-mühafizə işçiləri