Bir il məktəb müdiri kimi pedaqoji fəaliyyətlə məşğul olub, 1935-ci ilin payızında hərbi xidmətə çağırılıb. Hərbi xidmətini başa vurub doğma yurda qayıdan C.Aşırov Lüksemburq (indiki Bolnisi) Rayon Komsomol Komitəsində işə başlamışdır.
İşgüzarlığı, siyasi hazırlığı və təşkilatçılıq qabiliyyəti nəzərə alınaraq o, əvvəlcə Rayon Komsomol Komitəsinin katibi, sonra isə birinci katibi vəzifəsinə irəli çəkilib. Qısa bir müddətdə o, rayon ictimaiyyəti və gənclər arasında böyük hörmət qazanıb.
Böyük Vətən müharibəsinin başlanması onun da arzularını ürəyində qoyub, müharibəyə getməmək üçün bronu olsa da, könüllü olaraq cəbhəyə yollanıb. Zabitlik kursunu bitirdikdən sonra onun döyüş yolu Krım cəbhəsindən başlayıb, 1942-ci ildə Qərb cəbhəsinə göndərilib.
Cəbhədə şərəfli bir döyüş yolu keçən C.Aşırov bir neçə orden və medalla təltif olunub.
Cəlal Aşırov 1943-cü ilin payızında döyüşlərdə qəhrəmancasına həlak olub.