İbad Əhməd oğlu Əhmədov 1944-cü il iyunun 20-də Bolnisi rayonunun Dəmirli kəndində kolxozçu ailəsində anadan olmuşdur. Dəmirli kəndindəki ibtidai məktəbi 1955-ci ildə bitirmiş, təhsilini Aşağı Güləver kəndindəki 8 illik məktəbdə davam etdirmişdir. 1962-ci ildə Darvaz orta məktəbini bitirmişdir.1962-ci ildə N.Nərimanov adına Azərbaycan Dövlət Tibb İnstitutuna daxil olmuş və 1968-ci ildə oranı bitirmişdir. 1968-ci ildən 1973-cü ilin mart ayına qədər Azərbaycanın müxtəlif rayonlarında işləmişdir.
1973-gü ilin mart ayında müsabiqə yolu ilə N.Nərimanov adına Dövlət Tibb İnstitutunun Patoloji anatomiya kafedrasında assistent vəzifəsinə seçilmişdir.
1984-cü ildə Tbilisi şəhərində «Apendisitin müxtəlif morfoloji formaları zamanı onların sinir aparatlarının mikro və ultrostruktur dəyişikliyinə dair» mövzusunda namizədlik dissertasiyası müdafiə etmişdir. 1989-cu ildən kafedrada dossent vəzifəsində çalışmışdır. 30-dan çox elmi məqaləsi çapdan çıxmışdır. 3 elmi tibbi-metodik dərs vəsaitinin müəllifidir.
İbad Əhmədov 2002-ci ildə Bakıda vəfat etmişdir.
