Arif Məmmədov iki il Sovet Ordusu sıralarında xidmət etdikdən sonra Gəncə Dövlət Pedaqoji İnstitutunun tarix fakültəsinə daxil olmuşdur. İnstitutu bitirdikdən sonra o, Darvaz orta məktəbində pedaqoji fəaliyyətə başlamışdır. Burada o, qısa müddətdə özünü bacarıqlı müəllim kimi tanıtmış, təşkilatçılıq qabiliyyəti ilə diqqəti çəkmişdir. Məhz bu keyfiyyətlərinə görə o, Darvaz orta məktəbində təlim-tərbiyə işləri üzrə direktor müavini vəzifəsinə irəli çəkilmişdir. O, kəndin ictimai həyatında yaxından iştirak etmiş, əhali və rayonun pedaqoji ictimaiyyəti arasında böyük hörmət və nüfuz qazanmışdır.