Müseyib Məhəmməd oğlu Qəmbərov 1945-ci il mart ayının 7-də Darvaz kəndində anadan olub. Darvaz orta məktəbini bitirib. 1965-1973-cü illərdə Bakıda M.F.Axundov adına Dillər İnstitutunda oxuyaraq rus dili və ədəbiyyatı müəllimi ixtisasına yiyələnib. İnstitutda təhsilini başa vurduqdan sonra, hərbi xidmətdə olub, Darvaz orta məktəbində pedaqoji fəaliyyət göstərib. 1980-ci ildə Darvaz südçülük-kartofçuluq sovxozunda partiya komitəsinin katibi vəzifəsinə irəli çəkilib və 1986-cı ilədək bu vəzifədə çalışıb. 1986-cı ildə Darvaz orta məktəbinin direktoru vəzifəsinə təyin olunub. 1992-ci ildə Darvaz kənd sovetinin sədri vəzifəsinə təyin olunub və 2000-ci ilədək də bu vəzifədə çalışıb. 2001-ci ildən yenidən Darvaz kənd ictimai məktəbinin direktoru təyin olunub. Hal-hazırda da bu vəzifədə çalışır.
