1957-ci ildə institutda təhslini başa vurduqdan sonra gənc müəllim kimi təyinatla Azərbaycanın Lerik rayonunun ucqar kəndlərindən birinə göndərilib. Burada bir il çalışdıqdan sonra təşkilatçılıq qabiliyyətini nəzərə alan rəhbərlik onu direktor müavini vəzifəsinə irəli çəkib və bu vəzifədə bir neçə il uğurla çalışıb.
Təyinat müddəti başa çatdıqdan sonra doğma Borçalıya qayıdan Oruc müəllim əvvəlcə Marneuli rayonunun Baydar, Kürdlər, sonra isə Bolnisi rayonunun Qoçulu kəndlərində pedaqoji fəaliyyətini davam etdirib.
1968-ci ildən Bolnisi şəhərindəki Azərbaycan orta məktəbində fəliyyətini davam etdirən O.Güləhmədzadə 1978-ci ildə burada direktor müavini vəzifəsinə irəli çəkilib və bu təhsil ocağı fəaliyyətini dayandırana – 1990-cı ilin yayına kimi həmin vəzifədə şərəflə çalışıb. 1990-cı ildə rayondakı vəziyyətlə əlaqədar Bakıya köçmək məcburiyyətində qalıb və elə həmin ildən ömrünün sonunadək pedaqoji fəaliyyətini Bakı şəhərindəki gözdən əlillər üçün xüsusi məktəbdə davam etdirib.
O.Güləhmədzadə 2006-cı il yanvarın 20-də Bakı şəhərində vəfat edib.