"Bolnisi və Marneulidə kütləvi şəkildə insanları 3 000 lari ilə cərimələməyə üstünlük verirlər".
24News.ge xəbər verir ki, bu sözləri "Leyboristlər Partiyası"nın liderlərindən biri olan Giorgi Gugava TV Pirveli kanalının "günün xəbərləri” verlişində deyib.
"Bolnisi və Marneulidə sərt karantin rejimidir və orada kütləvi şəkildə insanları cərimələyirlər. Bunun belə olmasının səbəbi hakimiyyətdir, çünki azərbaycanlı icma məsuliyyətlidir, hakimiyyət onları düzgün məlumatlandırmayıb. Hakimiyyət ilk öncə vətəndaşını məlumatlandırmağa üstünlük verməlidir. Gərək hər kəndə, hər küçəyə, hər evə gedib bu insanlara məlumat verələr. 3 000 larilik cərimə yazmağa üstünluk verilməməlidir. O cərimələdiyin insanın imkanı yoxdur evdə ailəsini saxlasın, indi cərimələrlə büdcə doldurmaq istəyirlər? Vətəndaşa qarşı bu cür yanaşmalar olmaz. Maksimal şəkildə fövqəladə vəziyyətdə əhaliyə fövqəladə qayğı göstərmək lazımdır.”- deyə Giorgi Gugava bildirib.
