Hörmətli darvazlılar, əziz eloğlular! Darvazla bağlı uzun illərdir üzərində işlədiyim kitabı yekunlaşdırmaq üzrəyəm. Allah qoysa, bu ilin sonunda nəşr etdirməyi düşünürəm. Kənddə məktəbin, XX ərin 30-cu illərindəki kollektivləşmənin və s. tarixinə dair məlumatların, adət-ənənələrimizə, mətbəximizə dair oçerklərin, dialektoliji lüğətin, folklor örnəklərinin və s. yer alacağı kitabda bir bölüm də kəndimizdəki ayrı-ayrı nəsillərin şəcərəsinə həsr etmək istəyirəm. Artıq Zurnaçılar, Orduxan öyü, Mehdi öyü, Hacı öyü, Paşanın öyü, Martalar, Gülməmməd öyü, Salmannı, Hasan öyü, Ocaq öyü və Eyiflər nəsilləri haqda məlumatları bu nəsillərin məlumatlı nümayəndələrindən əldə etmişik. Amma təəssüflə qeyd etmək istəyirəm ki, dəfələrlə xeyir-şər məclislərində ümumi şəkildə və ayrılıqda hər bir nəslin nümayəndəsinə müraciət etsəm də, bu günədək aşağıdakı nəsillərin şəcərələri haqda mənə bilgi verən olmayıb. Dəfələrlə “HƏ” desələr də, sonradan unudublar:
XIDIRLAR
ALI ÖYÜ
HƏLMƏLİLƏR
PALAZDAR
CÜRTDƏNNƏR
CIĞLAR
MƏSİLLƏR
KOXALLAR
OSMAN ÖYÜ
QARAMUSALAR
İSƏLƏR
ÇAPARLAR
LOŞKALAR
ƏZİZLƏR
XƏLFƏLƏR
ƏLLƏZ ÖYÜ
PƏNƏHLİ
LESƏLƏR
PUŞOYULLAR
LƏZGİ ÖYÜ və s. (Təbii ki, bu siyahı tam deyil, başqa nəsillər də var)
Bir daha əziz eloğlularımıza müraciət edirəm, öz nəslinizin şəcərəsini yazıb bizə təqdim edin ki, həm kitabda, həm də darvaz.com-da yer alsın. Kitab işıq üzü görəndən sonra deməyin ki, bizim nəsil haqda kitabda niyə məlumat yoxdur. Eləcə də, Darvazın tarixi ilə bağlı bildiyiniz maraqlı faktları, kəndin tarixi və tanınmış şəxsiyyətləri ilə bağlı kitaba düşməsini vacib saydığınız bilgiləri çatdrımağınızı da xahiş edirəm!
Hörmətlə: MUSA NƏBİOĞLU