Bolnisi rayonunun Geta (Aşağı Güləver) kəndinə giriş-çıxış bu gün səhər saatlarında bağlanıb.
Kənd ciddi karantin zonası elan edilib.
Buna səbəb ötən gün kənddə koronavirusa 8 yeni yoluxma halının təsdiq olunmasıdır.
Səhər saat 06:00-dan etibarən Geta (Aşağı Güləver) kəndi tam təcrid olunub və əhali arasında tibbi müayinə həyata keçirilir.
Ötən gün rayonun Muşevani (Dəllər) kəndində də daha 9 nəfərdə koronavirus aşkarlanıb.
Qeyd edək ki, indiyədək Bolnisidə COVID-19-a 139 nəfər yoluxub. Onların 49-u sağalıb, 3-ü isə dünyasını dəyişib, 78 nəfər özünütəcriddə, 69 nəfər isə karantindədir.
Xatırladaq ki, Gürcüstan hökumətinin qərarı ilə mayın 18-dən etibarən Bolnisidə əlavə karantin qaydaları tətbiq olunacaq.
24News.ge
