“Biz NATO-nu Gürcüstan və Ukraynanın Alyansa üzv qəbul olunması prosesini sürətləndirməyə çağırırıq”.
“Report”un yerli bürosu xəbər verir ki, bunu Gürcüstan parlamentinin Xarici əlaqələr komitəsinin sədri Nikoloz Samxaradze qanunverici orqanın plenar iclasında çıxışı zamanı deyib.
Onun sözlərinə görə, Gürcüstan NATO-nun Qara dəniz bölgəsində daha fəal iştirakının tərəfdarıdır və bu, sülh, təhlükəsizlik və sabitliyin qarantıdır.
Komitə sədri dünya ictimaiyyətini Gürcüstan və Ukraynanın suverenliyini fəal şəkildə dəstəkləməyə çağırıb.
