Parisdə Ermənistana qarşı fərdi etiraz aksiyası təşkil edilib.
Diasporla İş üzrə Dövlət Komitəsindən verdilən məlumata görə, Fransanın Paris şəhərində yaşayan və təhsil alan Darvazlı tələbə Əsgərov İsgəndər Elman oğlunun təşəbbüsü ilə Ermənistanın mina xəritələri ilə bağlı yolverilməz davranışına etiraz əlaməti olaraq fərdi aksiya keçirilib.
Parisdəki parlament binasının önündə baş tutan aksiya zamanı soydaşımız "Minalanmış torpaqlarımızın xəritəsini istəyirik!" tələbini nümayiş etdirib. Bununla da İ.Əsgərov parislilərin diqqətini Ermənistanın beynəlxalq humanitar hüququ və etnik azərbaycanlıların 30 ilə yaxın müddət ərzində həsrətini çəkdikləri doğma yurd-yuvalarına qayıtmaq, orada yaşamaq hüququnu məqsədli şəkildə və kobudcasına pozduğuna cəlb edib.
