Diasporla İş üzrə Dövlət Komitəsinin nümayəndə heyətinin Gürcüstana işgüzar səfəri davam edir.
Bu barədə Komitənin mətbuat xidməti məlumat yayıb.
Məlumata əsasən, Komitənin nümayəndə heyəti Dmanisi rayonuna yollanıb, soydaşlarımızla yerli sakinlər arasında bir neçə gün öncə insidentin baş verdiyi yerdə olub, sakinlərlə görüşüb, hadisə ilə bağlı ətraflı müzakirələr aparıblar.
Görüşdə bildirilib ki, mağaza artıq fəaliyyətini bərpa edib və münaqişə tərəfləri arasındakı anlaşılmazlıq aradan qaldırılıb.
Hazırda nümayəndə heyətinin Gürcüstana işgüzar səfəri davam edir və səfərin yekunları ilə bağlı ictimaiyyətə əlavə məlumat veriləcək.