Marneulidə, Gürcüstan Azərbaycanlılarının İnteqrasiya mərkəzinə (GAİM) yeni təyin olunan icraçı direktorunun təqdimatı keçirilib.
Xəbər verir ki, tədbirdə İnteqrasiya mərkəzinin keçmiş icraçı direktoru, ictimai xadim, yazıçı Rafiq Hümbət yeni təyin olunan icraçı direktor gənc Orxan Pirverdiyevi təqdim edib.
Orxan Pirverdiyev öz növbəsində İnteqrasiya mərkəzinin bu günə qədər olan fəaliyyətindən, gördüyü işlərdən və gələcək planları ilə bağlı məlumatlar verib.
O, jurnalistlərə verdiyi müsahibəsi zamanı bildirib ki, "Gələcəkdə Marneulidən olan gəncləri bir çox yeniliklər və həmçinin inteqrasiya sahəsində önəmli işlər gözləyir".