Gürcüstanda azərbaycanlıların soyadlarının sonluğunda olan “ov”, “yev” və digər sonluqların götürülməsi ilə bağlı imzatoplama kampaniyasına başlanılıb.
Bununla bağlı təşkilatçı gənclər ilk öncə paytaxt Tbilisidə Rustaveli və Azadlıq meydanı metrosu önündə "Soyadımı qaytar" kampaniyası çərçivəsində imza toplamağa başlayıblar.
Kampaniyanı başladan "Salam platforması" qeyd edib ki, imzalar iki gün ərzində Tbilisidə, daha sonra isə bölgələrdə toplanacaq:
"Soyadlarla bağlı müraciyyəti Parlament rəsmi olaraq qeydiyyatdan keçirdi. Bu gündən etibarən 45 gün ərzində 25000 imza toplanmalıdır. Yaxın günlərdə bölgəmizdə, kəndlərdə qapı-qapı imza toplamağa başlıyaçağıq. Tbilisidə yaşayanlar xüsüsi diqqət ayırsalar, yaxşı olar. Həmrəy olaq, dəstək olaq soyadlarımız üçün imza ataq!", - deyə platformanın açıqlamasında qeyd olunub.
Qeyd edək ki, qanunlayihənin qüvvəyə minməsi üçün 25000 imza tələb olunur.