Gürcüstan Prezidenti Salome Zurabişvili ilə Türkiyə Prezidenti Rəcəb Tayyib Ərdoğan arasında telefonla danışığı olub.

Bu barədə Gürcüstan Prezident Administrasiyası məlumat yayır.

Məlumatda qeyd olunub ki, Gürcüstan Prezidenti genişmiqyaslı yanğınlardan zərər çəkmiş Türkiyə xalqı ilə həmrəy olduğunu bildirib və qurbanların ailələrinə başsağlığı verdib. Eləcə də, onlara dözüm və fəlakətlə mübarizədə uğurlar arzulayıb.

Bildirilir ki, Türkiyə Prezidenti dəstəyə və həmrəyliyə görə minnətdarlığını ifadə edib və Gürcüstanın yalnız Türkiyənin qonşu və strateji tərəfdaşı deyil, həm də dost bir ölkə olduğunu və bu böyük dostluğun çətin dövrdə Gürcüstan tərəfindən bir daha təsdiq edildiyinin altına xət çəkib.

Telefon danışığı zamanı tərəflər Gürcüstan-Türkiyə arasında ikitərəfli münasibələri, strateji əlaqələrin əhəmiyyətini, infrastruktur, enerji və nəqliyyat sahələrində mövcud potensialın dərinləşdirilməsinin vacibliyini də müzakirə ediblər.

Bildirilib ki, Rəcəb Tayyib Ərdoğan Türkiyənin Gürcüstanın ərazi bütövlüyünə güclü dəstəyini bir daha təsdiqləyib.

Gürcüstan Prezidenti Türkiyə Prezidentini Gürcüstana rəsmi səfərə dəvət edib.

Prezidentlər, birgə səylərin yaxın gələcəkdə koronavirus pandemiyasına qalib gələcəyinə və iki ölkə arasındakı tərəfdaşlığı inkişaf etdirməyə və dərinləşdirməyə davam edəcəyinə ümid etdiklərini ifadə ediblər.