"Qafqaz Hüquq və İnteqrasiya Mərkəzin"də 6 aylıq İngilis dili və Gürcü dili kurslarını bitirən 60-a yaxın kurs iştirakçısına sertifikatlar təqdim edilib.

Tədbirdə incəsənət, ictimaiyyət və siyasət adamları, mətbuat nümayəndələri, tanınmış ziyalılar iştirak edirdilər. Qonaqlar arasında Rayonun hörmətli ziyalıları Ramiz Bəkirov, Əlixan Yahyaoğlu və şair İbrahimxəlil Tamıyev də, iştirak edirdi.

Qonaqlar arasında Azərbaycan Respublikasının Diasporla İş üzrə Dövlət Komitəsinin əməkdaşları Vəsilə Vahidqızı və Nərman Əliyev də, tədbirdə iştirak edirdi

Mərkəzin direktoru Rezo Həsənov tədbiri giriş sözü ilə açıq elan edərək, qonaqları, mərkəzin üzvlərini və media nümayəndələrini salamlayaraq mərkəzin yaranma məqsədi, görülən və görüləcək işlərlə bağlı ətraflı məlumat verdi. O, bu layihənin Bolnisi rayonu üçün çox vacib əhəmiyyəti olduğunu, artıq bir "İnteqrasiya" evinin olması gənclərimizin dövlət dilini çox həvəslə öyrənmələrinə və kursları bitirənlərin əksəriyyətinin özlərini sərbəst şəkildə ifadə edəcək qədər Gürcü dili və İngilis dilini öyrənməklərində əhəmiyyətli rolunun olduğunu bildirib.

Həmçinin onuda qeyd edək ki, "Qafqaz Hüquq və İnteqrasiya Mərkəzi" 2021-ci ilin noyabr ayından aktiv fəaliyyətə başlamışdır. Bugünə kimi Bolnisi rayonunda yaşayan yüzdən çox şagird, müəllim, tələbə və digər vətəndaşlar mərkəzin ödənişsiz şəkildə təşkil etdiyi, dil kurslarından yararlanmışdır.