Gürcüstan Vətəndaşlıq tarixində ilk dəfə olaraq etnik azərbaycanlı icmasından olan gənclər Bolnisi Bələdiyyəsində petisiya qeydiyyatdan keçiriblər.
Bu barədə eloğlumuz, ictimai fəal, "Salam" platformasının üzvü darvazlı Rabil İsmayıl məlumat verib.
O bildirib ki, ilk olaraq Darvaz İcmasında uşaq bağçası tələbi ilə, 652 petisya toplanaraq bələdiyyəyə təqdim edilib. Rabil İsmayıl qeyd edib ki, 2023-cü il uşaq bağçaları olmayan kəndlərmizdə uşaq bağçalarının tikintisi geniş vüsət almalıdır.
O deyib ki, prosesin dağlıq regionda yerləşən icmamıza xüsusi perspektiv gətirəcəyinə ümid böyükdür.
Darvaz.com adından bu işdə əməyi keçən hər bir gəncimizə və uşaqlarımızın parlaq gələcəyi naminə imzası ilə bu layihəyə dəstək olan hər bir DARVAZ icma sakininə təşəkkür edirik.
İnanırıq ki, Gürcüstan Dövləti səsimizə səs verib UŞAQ BAĞÇASI üçün əməli tədbirlər görəcək.
