2022-ci il dekabrın 2-12-də Kolumbiyanın Boqota şəhərində keçirilən Yeniyetmələrin 19-cu Beynəlxalq Elm Olimpiadasında (USO 2022) Azərbaycan Respublikasını təmsil edən komandanın tərkibində əslən Darvazdan olan Aydan Qəmbərova (Yunis Qəmbərovun nəvəsi) da yer alıb.
Bundan əvvəl də bir sıra elm olimpiadalarında mükafata layiq yer tutan Aydan bu mötəbər beynəlxalq elm olimpidasından – nüfuzlu bilik yarışmasından əliboş qayıtmayıb. Bakıdakı kimya-biologiya təmayüllü liseyin şagirdi olan Aydan Vətənə bürünc medalla qayıdıb. Ümumiyyətlə, həmin olimpiadada iştirak edən məktəblilərin hamısı medal qazanıb – 2 gümüş və 4 bürünc medal!
Respublikamızı beynəlxalq elm olimpiadasında ləyaqətlə təmsil edərək Vətənə medalla qaydan bütün məktəbliləri, ayrıca da Aydan Qəmbərovanı təbrik edir, elmin çətin, ancaq şərəfli yollarında daha böyük uğurlar arzulayırıq.
Darvaz.com