2023-cü ilin büdcə layihəsinə əsasən, yanvarın 1-dən etibarən pensiya və müxtəlif sosial müavinətlərin məbləği artırılır.
Bu barədə Maliyyə Nazirliyi məlumat yayıb. Belə ki, yaşı 70-ə qədər olan şəxslərin pensiyası 35 lari artaraq 295 lari, yüksək dağlıq yaşayış məntəqələrində isə 355 lari təşkil edəcək.
Bununla belə, yaşı 70 və yuxarı olan pensiyaçıların pensiyası 65 lari artırılaraq 365 lari, yüksək dağlıq yaşayış məntəqələrində eyni kateqoriyadan olan pensiyaçıların pensiyası isə 440 lari təşkil edəcək.
Bununla birgə hökumətin yeni qərarına əsasən, “Liberty Bank”da pensiya kreditləri 36%-dən 26%-ə endirilir.
Təqaüdlə yanaşı, 18 yaşına çatmamış ağır əlillərin aldığı yardım 65 lari, digər kateqoriyadan olan əlillərin yardım məbləği isə 35 lari artırılacaq.