Tarixi Gəncə qapısının saxlanıldığı Gelati monastırının rəhbəri, keşiş İoseb Burcanadzenin hücrəsində yanğın olub.
Yanğın zamanı bədəninin 50%-i yanan din xadimi Kutaisidə xəstəxanaya yerləşdirilib. Yanğının hansı səbəbdən baş verdiyi barədə hələlik məlumat yoxdur.
Qeyd edək ki, Gəncə qapısı Gelati monastır kompleksinin həyətindəki ayrıca tikilidə, gürcü çarı Qurucu Davidin (David Aqmaşenebeli) məzarüstü abidəsində saxlanılır. Yanğın zamanı qapıya ziyan dəyməyib.