Gələn il ölkədə baş tutacaq parlament seçkilərində "Vahid Milli Hərəkat" partiyasında daha çox azərbaycanlı namizəd iştirak edəcək.
Bu barədə jurnalistlərə müsahibəsində "Vahid Milli Hərəkat" partiyasının deputatı David Kirkitadze məlumat verib.
"Qızıl gül" inqilabının 20 illiyi ilə bağlı keçirilən tədbir zamanı o qeyd edib ki, Gürcüstanda yaşayan azərbaycanlılar daima seçkilərdə fəal olublar və hər zaman onlara partiya daxilində böyük hörmət və sevgi olub:
"Bu seçkilərdə Gürcüstan azərbaycanlılarının sayı "Vahid Milli Hərəkat" partiyasının tarixi ərzində heç vaxt olmadığı qədər çox olacaq", - deyə o vurğulayıb.
24News.ge