Azərbaycanlı tələbələr Tiflisdə ermənilərin Şuşanın işğal gününü bayram etməsinə qarşı etiraz aksiyası keçirib

09.05.2014 18:05
şrift ölçüsü Şriftin ölçüsünü azaltmaq Şriftin ölçüsünü artırmaq

СНПЧ Москва
CMS Joomla

Bu gün Gürcüstanda fəaliyyət göstərən Gürcüstan Azərbaycanlıları Tələbələr Assosiasiyası (GATA) Gürcüstan xarici işlər nazirliyinin qarşısında ermənilərin Tiflisdə keçirdiyi konsertə qarşı etiraz aksiyası keçiriblər.

Aksiyada 30 nəfərədək gürcü və azərbaycanlı tələbə iştirak edib. Gürcüstan xarici işlər nazirliyinin binası önünə toplaşan tələbələr “Azərbaycan və Gürcüstan birdir”, “Qarabağa uzanan əllər məhv olsun!”, “Təxribata yox deyək!” və digər şüarlar səsləndiriblər.

GATA-nın sədri Samirə İsmayılova açıqlamasında Gürcüstanda yaşayan ermənilərin Tiflisdəki Apostol kilsəsinin nəzdində fəaliyyət göstərən “Ayartun” Mədəniyyət Mərkəzi Azərbaycanın Şuşa şəhərinin işğal olunması gününü “Şuşanın Azadlığı Günü” kimi bayram etmək istəyinin açıq səma altında baş tutduğunu bildirib. O, 10 nəfər azərbaycanlı tələbə ilə həmin konsertin baş tutduğu Hallavar ərazisinə getdiklərini bildirib: “Tədbir Hallavar ərazisindəki kilsənin yanında keçirilib. Qarabağ və Şuşa haqqında şeirlər söylənilib, mahnılar ifa edilib, rəqslər nümayiş etdirlib və ermənilərin Tiflisdə fəaliyyət göstərən “Ceyran” rəqs ansamblı bizim mahnıları və rəqslərimizi nümayiş etdiriblər.”

Məlumata görə, tədbirdə Gürcüstan dövlətinin nümayəndələri iştirak etməyib. Dünən isə Gürcüstan dövləti ermənilərin 9 mayda keçirmək istədikləri konsertə razılıq verməyib.

Oxu 2208 dəfə

Nəşr et Xəbərlər