Gürcüstan Azərbaycana viza rejimi tətbiq etməyəcək.
Bu barədə Axar.az-a Gürcüstanın Azərbaycandakı səfirliyindən məlumat verilib.
Məlumatda Azərbaycanın Gürcüstanın bundan sonra viza rejimi tətbiq edəcəyi ölkələr siyahısında olmayacağı bildirilib.
Qeyd edək ki, bir az öncə Rusiya mətbuatında Gürcüstanın miqrasiya haqqında hazırlanmış yeni qanun layihəsinə əsasən, bir sıra ölkələrə viza rejimi tətbiq edəcəyi haqqında informasiya yayılmışdı. Məlumatda Ermənistanın bu tip ölkələr siyahısında olduğu bildirilmişdi. Gürcüstanın Xarici İşlər Nazirliyi Ermənistana viza rejiminin yalnız qısa müddətli turist səyahətləri zamanı tətbiq edilməyəcəyini vurğulamışdı. Mətbuat tərəfindən həmçinin Azərbaycanın da bu sıraya aid ediləcəyi ehtimalının olduğu deyilmişdi.
