“Gürcüstanı Azərbaycana qarşı Rusiya təxribatının təlim meydanına çeviriblər”.
Bu sözləri hazırda ABŞ-da olan Gürcüstanın eks prezidenti Mixail Saakaşvili “Rustavi-2″ telekanalına müsahibəsində deyib.
Saakaşvili daha sonra bildirib: “Azərbaycan bizim əsas strateji müttəfiqimizdir və mənim narahatlığım bizim hazırkı vəziyyətdə bu dost ölkə ilə yaşadığımız ümumi kontekstdəndir. Qeyd etməliyəm ki, hazırda Tiflisdə Əliyevə qarşı çıxış edən İvanişvili kimi rusiyayönlü insanlar oturub. Mən dəqiq bilirəm ki, bir neçə həftə bundan qabaq fəaliyyəti Azərbaycan prezidentinə qarşı olan Rusiyanın FTB-sinin nümayəndəsi Bidzina İvanişvili ilə görüş keçirib”.
Qeyd edək ki, hazırda şəhər məhkəməsi tərəfindən qiyabi həbs olunan Saakaşvili heç bir ölkədən sığınac almaq fikri olmadığını bildirib. O deyib: “Mənə siyasi sığınacaq lazım deyil. Onsuz da məni bütün ölkələrdə məmnuniyyətlə qarşılayırlar”.
